Panorama TV ka siguruar detaje nga dosja e SPAK, ku zbardhen rolet e personave të arrestuar të dyshuar si të përfshirë në 4 ngjarje kriminale, gjatë megaoperacionit të 27 Korrikut.
Ish-efektivi i policisë Edmond Preka, që prej disa kohësh shërbente si shofer i biznesmenit Pëllumb Gjoka, ka pasur rol aktiv në vrasjen e Gjin Boriçit dhe atentatin ndaj ish-oficerit të burgjeve, Kleant Musabelliu.
Në dosjen hetimore të SPAK, siguruar nga Panorama, evidentohen prova që krijojnë dyshime të arsyeshme se Edmond Preka ka ndihmuar autorët e vrasjes së Gjon Ndojt (Boriçi), për tu larguar nga vendi i ngjarjes. Atentatorët i morën jetën të riut duke e qëllur me dy plumba, në kokë dhe shpatull.
Vrasja e Boriçit dyshohet të të jetë kryer nga Behar Bajri dhe klani i tij.
Ndërkohë një tjetër ngjarje ku ish-polici Edmons Preka dyshohet të jetë përfshirë, është ajo e planit të vrasjes së Kleant Musabelliu, ish-punonjës i drejtorisë së Burgjeve.
Edmond Preka dyshohet se ka informuar grupin e Ervis Martinajt me foto dhe informacione mbi lëvizjet e shënjestrës, ndërsa ka krijuar kushtet për vrasje.
Atentati dështoi në rrethana të paqartësuara deri më sot nga autoritetet. Ish-oficeri i policisë ka luajtur rolin e informatorit ndaj personave të interesuar për asgjësimin e Musabelliut.
Ky plan, fillimisht në bazë të transkripteve, ishte marrë përsipër nga Behar Bajri, i cili flet me biznesmenin Pëllumb Gjoka dhe i thotë se kishte gjetur 3 shtetas të huaj, një arab, një nga Kosova dhe një serb për kryerjen e krimit.
Ata kërkonin 100 mijë euro, por Pëllumb Gjoka i thotë që “nëse është nevoja jepu më shumë”. Por grupi Bajri doli garant duke i thënë që “për kaq para do ta bënin vetë”.
Të arrestuarit gjatë operacionit të SPAK:
1-Pëllumb Gjoka
2-Edmond Preka
3-Astmer Bilali
4-Ardrit Hasanbegaj
5-Oltian Bistri
6-Xhevahir Lita
7-Sabjan Troshani
8-Nehat Fojleta
Personat e shpallur në kërkim; Behar Bajri Brahoviç, Ervis Martinaj, Denis Bajri Brahoviç, Klaudio Haka, Prekë Kodra, Aleks Ndreka, Arsat Bashli, Bardhyl Mavraj si dhe Elion Hato.
Panorama online
